இங்கு ஷார்ப்னஸ், ஷார்ப் பிக்சர் என்று புகைப்படத்துறையில் குறிப்பிடுகையில், நாம் ஷார்ப் என்ற சொல்லுக்குக் கூர்மை என்று குறிப்பிடுகிறோம், தெளிவு என்பதற்கு, சாதாரணமாக கிளியர் என்ற சொல்லை உபயோகப்படுத்துகிறோம், அதே போல தெள்ளத்தெளிவான சொல் என்பதற்கும், நாம் கிறிஸ்டல் கிளியர் என்ற சொல்லைப் பயன்படுத்துகிறோம்.

ஆகவே தெளிவுக் கூர்மை என்பது, வந்து போனான், சாப்பிட்டுப் பார்த்தான், பார்த்துப்படித்தான், கேட்டுச் சென்றான், உட்கார்ந்து இருந்தான், என்பது போல, இரட்டைச் சொல்லைக் கொண்ட, ஒற்றைக் கலைச்சொல்லாக அமையும்.

பிறப்பின் ஆரம்பக் கட்டங்களில் பெரும்பாலான சிசுக்களுக்கு மிகை எட்டப்பார்வை இருக்கும். பள்ளிப்பருவத்தில் கிட்டப்பார்வை கொண்டவர்களின் எண்ணிக்கை அதிகரிக்கும். பார்வைக் கூர்மை குறையும். <br /><br />Sharpness என்பதை வெறுமனே கூர்மை எனக் குறிப்பிடுவது எளிது, ஆனால், இந்தக் கூர்மைக்குப் பல பொருட்கள் உண்டு, உதாரணமாக, அறிவுக்கூர்மை, புத்திக்கூர்மை, பார்வைக் கூர்மை, கத்தியின் கூர்மை ஆகியவற்றைக் குறிப்பிடலாம்.<br /><br />ஆனால், புகைப்படத் துறையில் சிற்சிறு நுட்பமான விஷயங்களையும் கூட, படத்தில் தெளிவாகத் தெரியச் செய்யும் வகையில் புகைப்படம் எடுக்கக் கிடைப்பதையே, ஷார்ப்பான பிக்சர் என்கிறோம். அவ்வகையில், இதைத் தெளிவுக்கூர்மை எனக் குறிப்பிடுவதே சாலச் சிறந்ததாக இருக்கும்.